In English:
Turkish Airlines flight to Moscow had an emergency landing in Belarus at night: presumably, there was fire on the plane
На русском языке:
Ночью в Беларуси экстренно сел борт Turkish Airlines летевший в Москву: предположительно в самолёте произошло возгорание
Тэлеграм-канал «ОтВинта | Авиация Беларуси» паведаміў, што ў 01:38 борт Boeing 737-8F2 (TC-JGA) авіякампаніі Turkish Airlines, які рухаўся рэйсам TK7698 / THY8CL Анкара – Масква, незапланавана прызямліўся ў Нацыянальным аэрапорце «Мінск» (MSQ).
Вядома, што перад пасадкай пілоты выставілі аварыйны squawk code – 7600, які азначае выхад са строю радыё або страту галасавой сувязі. Па нашай інфармацыі, на борце знаходзілася 145 пасажыраў.
Служба падтрымкі авіякампаніі адказала ў Twitter аднаму са сваякоў пасажыра, што борт быў перанакіраваны ў Мінск па тэхнічных прычынах і паведаміла, што не абвяшчае інфармацыю аб сваіх пасажырах з-за прынятых мер бяспекі. Аднак пазней адзін з пасажыраў змог звязацца са сваякамі і расказаў, што на борце адбылося ўзгаранне, борт страціў значную колькасць кіслароду і здзейсніў аварыйную пасадку ў MSQ.
Акрамя таго, высветлілася, што персанал авіякампаніі не ведаў, што рабіць, сваякі пішуць, што на борце выпалі кіслародныя маскі, але бортправаднікі нічога не казалі пасажырам. Пішуць, што ім не падалі ні ежу, ні ваду, ні гатэль у Мінску. Больш за тое, кампанія пакуль не дала нават іншы рэйс да Масквы: «Пасажыры павінны купляць новыя квіткі самі», – пішуць іх сваякі.
