In English:
Migrants at the Belarusian-Polish border. Friday. Updated
На русском языке:
Мигранты на беларусско-польской границе. Пятница. Обновляется
MOTOLKO.HELP працягвае сачыць за сітуацыяй на беларуска-польскай мяжы, дзе пяты дзень знаходзяцца мігранты. Да мяжы іх даставілі беларускія сілавікі і не далі легальна патрапіць на тэрыторыю Польшчы праз афіцыйны памежны пераход. Цяпер мігранты начуюць у намётах на вуліцы пры тэмпературы каля 0℃. Анлайн вядзецца ў храналагічным парадку: самыя свежыя навіны будуць унізе старонкі.
Нагадаем, у ноч на чацвер мігранты спрабавалі прарвацца праз ачапленне польскіх памежнікаў: кідалі камяні, спрабавалі разбурыць агароджу і напалі на салдата. У светлы час сутак усё было спакойна. З падачы беларускіх сілавікоў мігранты нават правялі акцыю на мяжы, дзе дзеці выбачаліся перад Польшчай за зламаны плот. Польскі бок назваў гэта гульнёй на эмоцыях. Мяркуючы па ўсім, у чацвер на мяжу прыбыла новая група мігрантаў, якія з раніцы стаялі ў цэнтры Мінска з рэчамі ў чаканні транспарта. За чацвер былі зробленыя 233 спробы незаконнага перасячэння польскай мяжы.
Уначы беларускія сілавікі спрабавалі асляпіць польскіх памежнікаў зялёным лазерам.
Пра гэта паведамляе Twitter польскіх памежнікаў:
«Мы зафіксавалі выкарыстанне службамі Беларусі лазера зялёнага колеру. Мяркуем, што гэта былі спробы асляпіць нашых афіцэраў і салдат, якія патрулююць мяжу».
Dzisiaj w nocy zanotowaliśmy użycie przez służby Białorusi lasera koloru zielonego. Zakładamy, że były to próby oślepienia naszych funkcjonariuszy i żołnierzy patrolujących granicę. pic.twitter.com/uwCep4h369
— Straż Graniczna (@Straz_Graniczna) November 12, 2021
9:30 — У Германіі Лукашэнку абяцаюць жорсткі адказ.
Выконваючы абавязкі віцэ-канцлера ФРГ Олаф Шольц заявіў, што ЕС рыхтуе супраць Лукашэнкі самыя жорсткія меры, паведамляе Deutsche Welle. Шольц сцвярджае, што ўлады Беларусі блакуюць дастаўку гуманітарнай дапамогі мігрантам і вядуць «чалавеканенавісніцкую гульню».
«Гэта павінна і будзе мець наступствы».
9:41 — Міністэрства абароны Польшчы апублікавала відэа, як мігранты бягуць уздоўж мяжы пад крыкі «Go! Go! Go! Ізыдзі!», як мяркуецца, беларускіх сілавікоў.
Kolejny przykład instrumentalnego traktowania migrantów przez Białoruś. Migranci są zmuszani do marszu wzdłuż ogrodzenia oddzielającego granicę pic.twitter.com/exo18JzHl2
— Ministerstwo Obrony Narodowej 🇵🇱 (@MON_GOV_PL) November 12, 2021
«Чарговы прыклад штучнага прасоўвання мігрантаў праз Беларусь. Мігранты вымушаныя маршыраваць уздоўж агароджы, якая раздзяляе мяжу», – каментуе Мінабароны Польшчы ў Twitter.
Праз некаторы час Дзяржпагранкамітэт Беларусі заявіў, што «фіксуе перамяшчэнне бежанцаў да стыхійнага лагера, разбітага паблізу пункта пропуску «Брузгі» на лініі дзяржаўнай мяжы».
Мігранты няўдала штурмуюць мяжу
11:09 – МУС Польшчы паведамляе, што мігранты перасеклі памежны пераход у Кузніцы з боку Беларусі і былі затрыманыя польскімі вайскоўцамі, памежнікамі і паліцыяй пры спробе патрапіць на тэрыторыю Польшчы. У Twitter ведамства апублікавана відэа пра гэта.
Migranci przekroczyli przejście graniczne w Kuźnicy po stronie Białorusi. Zostali zatrzymani przez Wojsko Polskie, Straż Graniczną i Policję. Grupa rozpoczęła marsz wzdłuż ogrodzenia. pic.twitter.com/ulzDJfOf7g
— Ministerstwo Obrony Narodowej 🇵🇱 (@MON_GOV_PL) November 12, 2021
14:11 – Беларускі бок забяспечвае мігрантаў бярвеннем для ўладкавання лагера на мяжы з Польшчай. Відэа публікуе МУС Польшчы.
Po stronie białoruskiej trwają przygotowania do stworzenia dużego obozu migrantów przy granicy z Polską. Służby białoruskie dowożą niezbędne materiały. pic.twitter.com/u95V3Ph1h2
— MSWiA (@MSWiA_GOV_PL) November 12, 2021
13:39 – Дзяржканалы публікуюць відэа, на якім беларускі бок забяспечвае мігрантаў пайком (кансервы, малако, хлеб – пазначана ў паведамленні). Мяркуючы па ажыятажы, ежы ўсім не хопіць. Нагадаем, мігрантаў, якія жадаюць вярнуцца дадому праз Беларусь, памежнікі не пускаюць назад у краіну, збіваюць і пачынаюць страляніну.
14:45 – Беларускіх настаўнікаў просяць скінуцца на гуманітарную дапамогу мігрантам.
З розных школ у Motolko.help дасылаюць паведамленні, што «Беларускі саюз жанчын» праводзіць збор гуманітарнай дапамогі для бежанцаў, заблакаваных на мяжы паміж Беларуссю і Польшчай.
